Trikotaj va ipak kiyimlarini qanday to‘g‘ri yuvish va saqlash kerak?

Sevimli kiyimlaringiz uzoq vaqt davomida o‘zining dastlabki ko‘rinishi, yumshoqligi va rangini saqlab qolishi uchun ularga to‘g‘ri qarash juda muhimdir. Ayniqsa, trikotaj va nozik matolar alohida e'tibor talab qiladi. Sifatli kiyimlaringiz umrini uzaytirishga yordam beradigan asosiy qoidalarni jamladik.

Trikotaj va nozik buyumlarni yuvayotganda suv harorati 30°C dan oshmasligi kerak. Kir yuvish mashinasida "Nozik yuvish" (Delicate) yoki "Jun/Trikotaj" rejimini tanlang. Suyuq yuvish vositalaridan foydalanish mato tolalarini shikastlanishdan asraydi.

Trikotaj kiyimlarni yuvgandan so‘ng osqichga (veshalka) osib quritish eng katta xatolardan biridir. Oqibatda kiyim cho‘zilib, o‘z shaklini yo‘qotadi. Trikotaj buyumlarni sochiq ustiga yoygan holda, gorizontal holatda quritish lozim.

Nozik matolarni va trikotajni to‘g‘ridan-to‘g‘ri issiq dazmol bilan dazmollash tavsiya etilmaydi. Buning uchun vertikal bug‘lagichdan (steamer) foydalanish yoki kiyimni teskari o‘girib, past haroratda mato orqali dazmollash afzaldir.

Trikotaj sviter va koftalarni osqichga osib qo‘ymang. Ularni taxlab, javonlarda saqlash mato shakli buzilishining oldini oladi.

Kiyimlaringizga to‘g‘ri g‘amxo‘rlik qilish — ularning go‘zalligi va sifatini yillar davomida saqlab qolishning eng sodda usulidir.

Siz ham o‘z uslubingizga mos zamonaviy kiyimlarni qidiryapsizmi?

Yangi kuz-qish to‘plamimizdagi sifatli trikotaj, zamonaviy longsliv va bejirim kiyimlarni ko‘rib chiqish uchun katalogimizga o‘ting!

👉Yangi to‘plamni ko‘rish